“Real Madrid” prezidentliyinə namizəd Enrike Rikelme İspaniya liqasını ədalətsiz hakimlik etməkdə, hakimləri isə “Barselona”ya üstünlük verməkdə günahlandırıb.
İdman.Biz bildirir ki, “Real Madrid”in prezidenti seçkiləri iyunun 7-də keçiriləcək. Bu vəzifəyə ikinci namizəd hazırkı president Florentino Peresdir.
“Bəzən “Barselona”da 12 oyunçu oynayır, çünki hakim onların tərəfindədir”, - “Marca” Rikelmedən sitat gətirib.
Florentino Peres isə daha əvvəl bildirmişdi ki, “Los Blancos” 2025/2026 mövsümündə hakim qərarlarına görə 18 xal itirib. Peres həmçinin vurğulayıb ki, “Los Blancos” onun rəhbərliyi altında daha yeddi La Liqa titulunu qazanmalı idi.
“Barselona” 2025/2026 mövsümündən sonra İspaniya liqasının cədvəlində 38 oyundan 94 xalla birinci yeri tutub. “Real Madrid” isə 86 xalla ikinci olub.
