Fransa Liqa 1 mövsümünün 26-cı turunun “Monako” və “Brest” komandaları arasında keçirilən oyun başa çatıb.
Oyun Monakodakı “Stade Louis II” stadionunda baş tutdu. Ev sahibi komanda 2:0 hesablı qələbə qazanıb.
“Monako”nun yarımmüdafiəçisi Folarin Baloqun matçın ilk qolunu 19-cu dəqiqədə vurub. 80-ci dəqiqədə Aleksandr Qolovin komandasının üstünlüyünü ikiqat artıraraq hesabı 2:0 edib.
Fransa liqasında 26 oyundan sonra “Monako” 43 xala malikdir və turnir cədvəlində beşinci yerdədir. “Brest” 36 xalla 10-cu yerdədir.
00:08
Liqa 1-də orta sıralarda yer alan “Loryan” çempionluğa iddialı “Lans”ı qəbul edib.
Ev sahibləri 18-ci dəqiqədə künc zərbəsindən sonra hesabda irəli çıxıblar. Bamba Dienq fərqlənib. İkinci hissə “Lans”ın qolu ilə başlayıb - Odson Eduard hesabı 1:1 etdi. 65-ci dəqiqədə ev sahibləri yenidən hesabda irəli çıxıblar. Ayegun Tosin qol vurub – 2:1.
“Loryan” səkkizinci yerə yüksəlib, rəqibləri isə PSJ-dən bir xal geridə qalaraq ikinci yerdədirlər.
Paralel keçirilən “Anje” – “Nitsa” matçı 2:0 hesabı ilə ikincilərin qələbəsi ilə bitib.
