Macarıstanın paytaxtı Budapeşt 2036-cı il Yay Olimpiya Oyunlarında evsahibliyi edə bilər.
İdman.biz xəbər verir ki, bunu ölkənin baş naziri Viktor Orban deyib.
Onun sözlərinə görə Macarıstanda olimpiadanı təşkil etmək üçün kifayət qədər idman obyekti var: "Əgər istəsək 2036-cı ildə Oyunları keçirə bilərik. Macarıstanda kifayət qədər müasir idman qurğuları var. Bəzi arenaları kiçik təmirlə tam hazır vəziyyətə gətirə bilərik. Məncə, Budapeştdən yaxşı variant ola bilməz".
Qeyd edək ki, 2028-ci ildə olimpiadaya Los-Anceles, 2032-ci ildə isə Brisben evsahibliyi edəcək.
İdman.biz
