Bu gün Monpelyedə cüdo üzrə Avropa çempionatı başa çatır.
İdman.biz-in məlumatına görə, yarışın final, üçüncü günündə üç Azərbaycan idmançısı çıxış edəcək.
Murad Fətiyev (90 kq) gürcüstanlı Olimpiya çempionu Laşa Bekauri ilə görüşəcək.
Zelim Kotsoyev (100 kq) tatamiyə Harri Lovel-Hevittə (Böyük Britaniya) qarşı çıxacaq.
Uşanqi Kokauri (100 kq-dan yuxarı) mübarizəyə ikinci raunddan başlayacaq. Onun rəqibi Mirça Kruitoru (Rumıniya) - Marius Fizel (Slovakiya) cütünün qalibi olacaq.
İki gün davam edən AVRO-da komandamızın aktivində Hidayət Heydərovun (73 kq) qazandığı bir qızıl medal var.
Zəki Feyzullayev
İdman.biz
