Formula 1 Qatar Airways Azərbaycan Qran Prisi üçün geri sayım artıq başlayıb.
Bakı Şəhər Halqası Əməliyyat Şirkətindən İdman.biz-ə verilən məlumata görə, ümumilikdə 12 tribuna tədbir iştirakçılarını qarşılayacaq, bunlardan 2-si yeni tikilib.
9 tribunaya biletlər artıq satılıb. 2025-ci ildə 20 mindən çox oturacaq yeri nəzərdə tutulub, ilk bilet Avstraliyadan alınıb, indiyə qədər isə 100-dən çox ölkədən bilet satılıb.
Sentyabrın 19-da İtalyan-Amerikalı məşhur DJ Anyma Bakı səmasını elektron musiqi və vizual sənət elementləri ilə dolduracaq. Ertəsi gün dünyaca məşhur DJ Martin Garrix izləyiciləri enerjili ritmlərlə həftəsonuna həyəcan qatacaq. Sentyabrın 21-də isə qlobal musiqi fenomeni Glass Animals çıxışı ilə tədbiri zirvəyə daşıyacaq.
İdman.biz
