Almaniyanın “Mercedes” komandası 2026-cı ildə yeni “Formula-1” mövsümünün başlaması və “ W17” avtomobilinin qarşıdan gələn təqdimatı ərəfəsində loqosunu yeniləyib.
İdman.Biz bildirir ki, komanda tərəfindən sosial mediada yerləşdirilən yeni loqotipdə “Mercedes”in rəngləri: qara, ağ və firuzəyi (əsas sponsoru “Petronas”ın rəngləri) yer alır.
Xatırladaq ki, “Mercedes”, digər komandalarla birlikdə, 2026-cı ildə güc aqreqatlarına və aerodinamikaya təsir edəcək əsas tənzimləmə dəyişikliklərinə hazırlaşır.
Corc Rassel və Andrea Kimi Antonellinin sürəcəkləri yeni “W17” avtomobilinin rəsmi təqdimat tarixi hələ açıqlanmayıb. İlk qapalı testlər 26-30 yanvar tarixlərində Barselonada keçiriləcək, bundan sonra komandalar rəsmi mövsümöncəsi testlər üçün Bəhreynə yola düşəcəklər.
