"Əl-Nəsr" "Çelsi"nin 25 yaşlı hücumçusu Joao Feliksin transferi ilə bağlı razılığa gəlib.
İdman.biz xəbər verir ki, bu barədə jurnalist Fabrizio Romano X sosial şəbəkəsində paylaşım edib.
Transferin ilkin dəyəri 30 milyon avro olacaq, lakin bonusları nəzərə alsaq, bu məbləğ 50 milyon avroya qədər arta bilər.
Qeyd edək ki, portuqaliyalı futbolçu 2024-cü ilin yayında "Atletiko Madrid"dən "Çelsi"yə keçib. Hücumçu ötən mövsümün ikinci hissəsini icarə əsasında "Milan"da keçirib. Onun London klubu ilə hazırkı müqaviləsi 2031-ci ilin yayına qədər idi. Transfermarkt portalına görə, Feliksin dəyəri 20 milyon avrodur.
İdman.biz
