Azərbaycanlı futbolçu Səbuhi Abdullazadə "Bodrum FK"nın maraq dairəsinə düşüb.
İdman.biz xəbər verir ki, bu barədə Türkiyə mətbuatı məlumat yayıb.
"Sumqayıt"ın gənc futbolçusu karyerasını Türkiyə Superliqasına vəsiqə qazanan komandada davam etdirməyin əleyhinə deyil. Əgər klublar arasında danışıqlar uğurlu yekunlaşarsa Azərbaycanın 21 yaşadək futbolçulardan ibarət yığmasının üzvü "Bodrum FK" ilə müqavilə bağlayacaq.
Qeyd edək ki, Səbuhi Konfrans Liqasında "Fehervar"la görüşlərdə "Sumqayıt"ın yeganə qolunun müəllifi olub (1:2, 0:0).
İdman.biz
