“Bazar günü “Park de Prens”də son oyunumu keçirəcəm. Fransanın ən böyük klubunun bir hissəsi olmaq böyük şərəfdir”.
İdman.biz xəbər verir ki, bu sözlər Fransa yığmasının hücumçusu Kilian Mbappeyə məxsusdur.
PSJ-dən gedişini rəsmi açıqlayan futbolçu vida məktubunu paylaşıb. Məktubda Kilian komanda ilə müqavilə müddətini artırmayacağını bildirib: "PSJ-də son mövsümü keçirdiyimi açıqlamaq istəyirəm. Klubla müqaviləni yeniləməyəcəm. Bütün komanda yoldaşlarıma, işlədiyim baş məşqçilərə və idman direktorlarına "çox sağ ol" deyirəm. 7 il ərzində mənə böyük sevgi bəxş edən azarkeşlərin ümidlərini heç də həmişə doğrultmamışam. Onlara təşəkkür edirəm”.
Qeyd edək ki, Mbappenin “Real”la müqavilə bağlayacağı gözlənilir.
İdman.biz
