“Sabah” futbol klubu Avstriyada yeni mövsümə hazırlıq çərçivəsində növbəti yoxlama matçını keçirib.
İdman.Biz xəbər verir ki, Masazır təmsilçisi Macarıstanın “Ferentsvaroş” klubu ilə qarşılaşıb.
Görüş 1:1 hesablı heç-heçə ilə yekunlaşıb.
Qeyd edək ki, “Sabah” Avstriya toplanışı çərçivəsində daha əvvəl Rumıniyanın “Universitatya Krayova” klubu ilə də eyni hesabla heç-heçə edib.
14:32
“Sabah” futbol klubu bu gün Avstriyada keçirdiyi təlim-məşq toplanışı çərçivəsində ikinci yoxlama matçına çıxacaq.
İdman.Biz xəbər verir ki, Valdas Dambrauskasın komandası Macarıstan təmsilçisi “Ferentsvaroş”la üz-üzə gələcək. Görüş Bakı vaxtı ilə saat 19:00-da başlayacaq.
Bu, Bakı klubunun Avstriya toplanışında ikinci yoldaşlıq oyunu olacaq. “Sabah” ilk matçında Rumıniyanın “Universitatya” komandası ilə 1:1 hesablı heç-heçə edib.
Hazırlıq prosesi başa çatana qədər Azərbaycan təmsilçisini daha bir yoxlama görüşü gözləyir. “Sabah” iyulun 1-də Ukraynanın “Polesye” klubu ilə qarşılaşacaq.
