İspaniyanın Barselona şəhərində Braziliyalı millinin sabiq futbolçusu Dani Alvesin məhkəməsi başlayıb.
İdman.biz xəbər verir ki, təcavüzdə günahlandırılan cinah müdafiəçisinin məhkəməsi 3 gün davam edəcək.
Prokurorluq Alvesə 9 il həbs cəzası və zərərçəkənə 150 min avro təzminat istəyib. Hadisənin 2022-ci ildə dekabr 30-da Barselonadakı gecə klubunda baş verdiyi güman edilir.
Qeyd edək ki, Alves artıq bir ilə yaxın həbsdədir.
İdman.biz