Azərbaycanın minifutbol komandaları bu gün Avropa Minifutbol Federasiyasının (EMF) Çempionlar Liqasında növbəti oyunlarını keçirəcəklər.
İdman.Biz xəbər verir ki, gün ərzində Azərbaycan təmsilçilərinin iştirakı ilə dörd qarşılaşma baş tutacaq.
16:00 - “Aznur” (Azərbaycan) - “FC Sokil Varşava” (Polşa)
19:00 - “Birbaşa Bakı” (Azərbaycan) - “FC Ardelenii” (İngiltərə)
20:00 - “Zirə” (Azərbaycan) - “Krayina Plan 21” (Bosniya və Herseqovina)
21:00 - “Aznur” (Azərbaycan) – “Bukovina Badeuti” (İngiltərə)
Qeyd edək ki, Azərbaycan minifutbol millisi son illərdə beynəlxalq arenada böyük uğurlara imza atıb. Yığma 2025-ci ildə dünya çempionatının finalında Macarıstanı 4:2 hesabı ilə məğlub edərək dünya çempionu olub.
