“Qarabağ”ın Avropa Liqasının pley-offundakı rəqibi “Braqa” növbəti oyununu keçirib.
İdman.biz xəbər verir ki, Artur Jorjenin yetirmələri Portuqaliya çempionatında “Şaveş”lə görüşüb.
Öz meydanında oynayan “Braqa” 52-ci dəqiqədə Rodriqo Zalazar-Martinesin qolu ilə hesabı açıb. Çempionatın autsayderi 12 dəqiqə sonra Steven Vitoriyanın fərqlənməsi ilə bərabərlik qoluna imza atıb.
Bu xal itkisindən sonra “Qarabağ”ın rəqibi 4-cü pillədə qərarlaşıb. “Braqa” 19 matçda 37 xal toplayıb.
Qeyd edək ki, “Qarabağ”la Portuqaliya klubu arasında matçlar fevralın 15-də və 22-də keçiriləcək.
İdman.biz
