Portuqaliya millisinin futbolçusu Kriştianu Ronaldunun bacısı Elma Aveyru qardaşını tənqid edənlərə münasibət bildirib.
İdman.Biz xəbər verir ki, o, Lissabonda Portuqaliya millisinin baş məşqçisi Jorje Jezuşun da iştirak etdiyi kitab təqdimatından sonra jurnalistlərə açıqlamasında 41 yaşlı hücumçunun üzləşdiyi vəziyyətdən narahatlığını ifadə edib.
“Çox kədərlənirəm, çünki portuqaliyalılar, təəssüf ki, indiyədək görülən işləri unudurlar və indi hər şeyin fərqli olmalı olduğunu düşünürlər.
Deməyə söz tapmıram. Qardaşımın bütün bunları yaşadığını görmək mənim üçün çox ağırdır. O, belə münasibətə ən az layiq olan insanlardan biridir”, - deyə Aveyru bildirib.
Qeyd edək ki, Ronaldu UEFA Millətlər Liqasında Norveçlə keçirilən və Portuqaliyanın 2:1 hesabı ilə qalib gəldiyi görüşdə meydana çıxmadıqdan sonra özbaşına milli komandanın düşərgəsini tərk edib.
Bundan əvvəl İngiltərə millisinin sabiq hücumçusu Ueyn Runi də futbolçunun bu hərəkətini tənqid edib.
