“Sabah” futbol komandası bu gün UEFA Çempionlar Liqasının əsas mərhələsində növbəti oyununu keçirəcək.
İdman.Biz xəbər verir ki, Bakı təmsilçisi ikinci tur çərçivəsində Çexiyanın “Slaviya” (Praqa) futbol komandası ilə üz-üzə gələcək.
Qarşılaşma Bakı Olimpiya Stadionunda təşkil olunacaq və saat 20:45-də başlayacaq.
Bu, “Sabah”ın Çempionlar Liqasının əsas mərhələsində ilk ev oyunudur. Azərbaycan təmsilçisi turnirdə debütünü sentyabrın 10-da İngiltərədə edib. Komanda səfərdə “Mançester Yunayted”ə 0:4 hesabı ilə məğlub olub.
“Slaviya” da ilk turda məğlubiyyətlə üzləşib. Praqa klubu doğma meydanda Fransanın “Lans” komandasına 2:3 hesabı ilə uduzub.
Beləliklə, hər iki komanda ikinci turda ilk xallarını qazanmağa çalışacaq.
Qeyd edək ki, “Sabah” üçüncü turda da doğma meydanda oynayacaq. Bakı təmsilçisi oktyabrın 20-də Almaniyanın “Borussiya” (Dortmund) komandasını qəbul edəcək.
