“Mançester Siti”nin qapıçısı Canluici Donnarumma 2026-cı il “Qızıl top” mükafatının əsas favoritini açıqlayıb.
İdman.Biz “L’Équipe”yə istinadən xəbər verir ki, “Paris Sen-Jermen”in sabiq qapıçısı bu mükafata keçmiş komanda yoldaşı Usman Dembeleyi layiq gördüyünü bildirib.
“Qızıl top”a gəldikdə, mənim öz favoritim var - bu, Dembeledir”, - deyə Donnarumma vurğulayıb.
Qeyd edək ki, 2026-cı il “Qızıl top”un qalibi oktyabrın 26-da keçiriləcək xüsusi mərasimdə açıqlanacaq.
Mükafatın əsas namizədlərinin ümumi sayı 30 nəfərdir. Onlardan 10-u “PSJ”nin futbolçularıdır. Dembele başda olmaqla Paris klubunun heyətindən Aşraf Hakimi, Markinyos, Nuno Mendes, Vilyam Paço, Fabian Ruis, Joau Neveş, Vitinya, Ferran Torres və Xviça Kvaratsxeliya da namizədlər sırasındadır.
