“Turan Tovuz” yoldaşlıq oyununda Türkiyənin “Fənərbağça” klubu ilə qarşılaşıb.
İdman.Biz xəbər verir ki, Tofiq Bəhramov adına Respublika stadionunda keçirilən görüş İstanbul təmsilçisinin 2:0 hesablı qələbəsi ilə başa çatıb.
Hesabı 60-cı dəqiqədə Fransa millisinin üzvü Nqolo Kante açıb. 74-cü dəqiqədə Çağrı Balta fərqlənərək yekun hesabı müəyyənləşdirib.
Qeyd edək ki, “Turan Tovuz” və “Fənərbağça” klubları daha əvvəl də qarşılaşıblar. Komandalar 1994-cü ildə UEFA Kubokunda üz-üzə gəliblər: avqustun 9-da İstanbuldakı “Şükrü Saracoğlu” stadionunda, avqustun 23-də isə Sumqayıtdakı Mehdi Hüseynzadə adına stadionda.
Oyundan əldə olunan gəlir Qarabağ Dirçəliş Fonduna ianə ediləcək.
21:38
"Turan Tovuz" - "Fənərbağça" oyununun 74-cü dəqiqəsində qonaqlar hesabdakı fərqi iki topa çıxarıb.
İdman.Biz xəbər verir ki, İstanbul klubunun qolunu Çağrı Balta vurub.
21:24
"Turan Tovuz" - "Fənərbağça" oyununun 60-cı dəqiqəsində qonaqlar hesabı açıb.
Idman.Biz xəbər verir ki, "Fənərbağça"nın heyətində Kante fərqlənib.
21:16
“Turan Tovuz” - “Fənərbağça” komandaları arasında keçirilən yoxlama oyununda ikinci hissə başlayıb.
İdman.Biz xəbər verir ki, birinci hissədən sonra hesab açılmayıb.
20:51
“Turan Tovuz” - “Fənərbağça” komandaları arasında keçirilən yoxlama oyununda birinci hissə başa çatıb.
İdman.Biz xəbər verir ki, Tofiq Bəhramov adına Respublika Stadionunda keçirilən oyunun birinci hissəsində qapılara qol vurulmayıb.
Birinci hissənin 36-cı dəqiqəsində "Fənərbağça"nın futbolçusu Qrinvud kobud oynadığı üçün qırmızı vərəqə ilə cəzalandırılıb.
20:00
“Turan Tovuz” - “Fənərbağça” komandaları arasında görüş başladı.
İdman.Biz xəbər verir ki, yoxlama oyunu Tofiq Bəhramov adına Respublika Stadionunda keçirilir.
19:41
“Turan Tovuz”la Türkiyənin “Fənərbaxça” klubu arasında bu gün keçiriləcək yoldaşlıq matçı üçün heyətlər açıqlanıb.
İdman.Biz xəbər verir ki, komandalar Bakı vaxtı ilə saat 20:00-da start götürəcək oyuna aşağıdakı heyətlə çıxacaqlar:
“Turan Tovuz”: 35 Aleksey Kenyakin, 5 Roderik Miller, 21 Stiv Beusnar, 23 Alexandro Serrano, 77 İbrahima Vadji, 15 Emmanuel Hakman (k), 32 Hayderson Hurtado, 7 Xorxe Silva, 25 Denis Marandiçi, 11 Dioqo Balau, 28 Aleksa Yankoviç.
“Fənərbaxça”: 34 Mert, 27 Semedo, 3 Braun, 6 Quendouzi, 22 Levent, 59 Efe Yılmaz, 91 Kante, 10 Asensio, 11 Qrinvud, 54 Çağrı, 99 Alaettin.
09:36
“Turan Tovuz” futbol klubu bu gün yoxlama görüşündə Türkiyənin “Fənərbağça” klubu ilə üz-üzə gələcək.
İdman.Biz xəbər verir ki, Tofiq Bəhramov adına Respublika Stadionunda keçiriləcək qarşılaşma saat 20:00-da başlayacaq.
Matçın baş hakimi Rəvan Həmzəzadə olacaq. Görüşdən əldə ediləcək gəlir isə Qarabağ Dirçəliş Fonduna ianə olunacaq.
