Kiprin “Pafos” futbol klubu Kamerun millisinin hücumçusu Mumi Nqamalyo ilə müqavilə imzaladığını elan edib.
İdman.Biz bildirir ki, klubun mətbuat xidməti transferi rəsmi olaraq açıqlayıb. 32 yaşlı futbolçu 2028-ci ilin yayına qədər iki illik müqavilə imzalayıb.
“Pafos” Futbol Klubunda hər kəs Nikolas Mumi Ngamalyonu səmimi qəlbdən salamlayır və ona uğurlar arzulayır. “Pafos”a xoş gəlmisən, Mumi!”, - Pafos mətbuat xidməti komandanın rəsmi saytında bildirib.
Nqamalyo ötən mövsüm Moskva "Dinamo"sunda Rusiya çempionatında 21 oyunda dörd qol vurub və iki məhsuldar ötürmə edib. Kamerunlu futbolçu iyulun 1-dən azad agentdir.
Nqamalyo “Pafos”da Azərbaycan futbolunun nümayəndəsi Murad Məmmədovla birlikdə çıxış edəcək. “Neftçi”nin yetirməsi olan 20 yaşlı cinah hücumçusu Kipr klubu ilə 2030-cu ilin yayınadək müqavilə imzalayıb.
