Heyətində Mahir Əmrəlinin çıxış etdiyi Polşanın “Rakuv” klubu UEFA Konfrans Liqasının ikinci təsnifat mərhələsində Maltanın “Valletta” komandası ilə cavab oyununa çıxıb.
İdman.Biz bildirir ki, Maltada keçirilən oyun 4:0 hesabı ilə qonaqların xeyrinə qurtarıb.
Qolları Mixael Ameyav (22), Tomaş Penko (31), Adin Molnar (54) və Patrik Makuç (78) vurublar.
İlk oyunda da qalib gələn (3:1) “Rakuv” növbəti mərhələyə çıxıb.
Mahir Emreli start heyətində yer almasa da, 67-ci dəqiqədə əvəzləmədən oyuna daxil olub. İlk oyunda Emreli qol vurmuşdu.
