FİFA reytinqinin 2024-cü ilin ilk yarısında açıqlanacağı vaxtlar bəlli olub.
İdman.biz xəbər verir ki, bunu qurumun mətbuat xidməti açıqlayıb.
İlin ilk 6 ayında reytinq siyahısı ümumilikdə 5 dəfə dərc olunacaq. Üç dəfə kişi komandaların cədvəli müəyyənləşəcək. Azərbaycan millisinin mövqeyi fevralın 15-də, aprelin 4-də və iyunun 20-də bilinəcək. Qadın yığmaların reytinqi isə martın 15-də və iyunun 14-də açıqlanacaq.
Qeyd edək ki, hazırda Azərbaycanın kişilərdən ibarət millisi 1174,22 xalla 114-cü, qadın yığmamız 1305.48 xalla 76-cıdır.
İdman.biz