DÇ-2026-nın seçmə mərhələsinin Avropa qrupunda Ukrayna və İsveç arasında yarımfinal pley-off oyunu başa çatıb.
Oyun İspaniyanın Valensiya şəhərindəki “Ciudad de Valencia” stadionunda baş tutub. İsveç 3:1 hesabı ilə qalib gəlib.
İsveçdən qolları Viktor Gyokereş (6, 51, 73), Ukraynadan isə Matvey Ponomarenko (90) vurub.
Digər pley-off yarımfinalında İtaliya Şimali İrlandiyanı məğlub edib – 2:0.
Qolları Sandro Tonali (56) və Moyze Kin (80) vurublar.
Digər oyunlar belə nəticələnib:
Slovakiya – Kosovo – 3:4
Danimarka – Şimali Makedoniya – 4:1
Polşa – Albaniya – 2:1
Çexiya – İrlandiya - 2:2 (penaltilərlə 4:3)
Uels – Bosniya və Herseqovina - 1:1 (penaltilərlə 2:4)
22:59
2026-cı il dünya çempionatının seçmə mərhələsinin Avropa qrupunda Türkiyə və Rumıniya arasında yarımfinal pley-off oyunu başa çatıb.
Oyun “Tüpraş” stadionunda (İstanbul, Türkiyə) baş tutub. Ev sahibi komanda matçı 1:0 hesabı ilə qazanıb.
Matçın yeganə qolunu 53-cü dəqiqədə ev sahibi komandanın müdafiəçisi Ferdi Kadıoğlu vurub.
09:20
Bu gün futbol üzrə 2026 Dünya Çempionatının Avropa zonası üzrə seçmə mərhələsinin pley-off yarımfinallarına start veriləcək.
İdman.Biz xəbər verir ki, A, B, C və D yolları üzrə ümumilikdə səkkiz qarşılaşma baş tutacaq.
Türkiyə millisi İstanbulda Rumıniya seçməsi ilə qarşılaşacaq.
Matç Bakı vaxtı ilə saat 21:00-da start götürəcək.
Yarımfinal və final qarşılaşmaları bir oyundan ibarətdir. Həlledici görüşlər martın 31-də baş tutacaq.
DÇ-2026-nın Avropa zonası üzrə pley-off oyunları
Yarımfinal
A yolu
23:45. İtaliya - Şimali İrlandiya
23.45. Uels - Bosniya və Herseqovina
B yolu
23:45. Ukrayna - İsveç
23:45. Polşa - Albaniya
C yolu
21:00. Türkiyə - Rumıniya
23:45. Slovakiya - Kosovo
D yolu
23:45. Danimarka - Şimali Makedoniya
23:45. Çexiya - İrlandiya
Qeyd edək ki, bu il iyunun 11-dən iyulun 19-dək keçiriləcək DÇ-2026-ya ümumilikdə 48 komanda qatılacaq.
