UEFA rəsmi saytında “Benfika”nın yarımmüdafiəçi Canluka Prestianninin müvəqqəti olaraq cəzalandırılması ilə bağlı apellyasiyasını rədd etdiyini açıqlayıb.
İdman.Biz-in məlumatına görə, Prestianni Çempionlar Liqasının pley-off mərhələsinin “Real Madrid”ə qarşı ikinci oyununu buraxacaq.
“UEFA Apellyasiya Orqanı bu gün aşağıdakı qərarı verdi:
“Benfika” Futbol Klubu tərəfindən verilən apellyasiya rədd edildi. Nəticə etibarilə, UEFA Nəzarət, Etika və İntizam Orqanının 23 fevral 2026-cı il tarixli qərarı qüvvədə qalır.
Cənab Canluka Prestianni müvəqqəti olaraq oynamaq hüququ qazanacağı növbəti UEFA klub yarış oyunundan kənarlaşdırılıb”, - deyə UEFA-dan bildirilib.
