“Barselona” İspaniya liqasının 13-cü turunu təmir olunmuş “Spotify Kamp Nou”da “Atletik Bilbao” ilə keçirəcək.
İdman.Biz bildirir ki, klub bu barədə sosial media hesabında məlumat verib. Oyun 22 noyabr şənbə günü olacaq.
“Barselona” sonuncu dəfə “Spotify Kamp Nou”da 28 may 2023-cü ildə İspaniya liqasının 37-ci turunda “Malyorka”nı 3:0 hesabı ilə məğlub etdiyi matçda oynayıb.
Xatırladaq ki, iyunun sonunda “blauqrana” rəsmi olaraq 10 avqust 2025-ci ildə doğma stadionuna qayıdacağını açıqlayıb. “Kamp Nou” 2023-cü ilin yayında təmirə bağlanıb. Lakin bu mövsümün əvvəlində Kataloniya klubu idman arenasını idarə etmək üçün lisenziya almadığı üçün ev oyunlarını “Olimpik Lluis Kompanis” stadionunda keçirib.
“Barselona” 12 oyundan sonra İspaniya liqasının cədvəlində ikinci yerdədir. Onların 28 xalı var.
