“Milan” gələn yaydan əvvəl klubu tərk etmək qərarına gəlsə, qapıçı Mayk Menyanın yerinə iki əsas namizədi nəzərdən keçirir.
İdman.Biz bu barədə “La Gazzetta dello Sport”a istinadən xəbər verir.
Onlardan biri də “Parma”dan olan yaponiyalı Cion Suzukidir. “Parma” yapon oyunçunu keçən yay “Sent-Truiden”dən 8 milyon avroya alıb. “Milan”ın digər variantı bu yaxınlarda ilk dəfə Almaniya millisinə çağırılmış “Frayburq”un qapıçısı Noa Atuboludur.
“Milan” “Kalyari”dən Elia Kaprileni nəzərdən keçirir, lakin onun qiymətinin yuxarıda qeyd olunan variantlardan xeyli yüksək olacağı gözlənilir.
Menyanın “San Siro”da müqaviləsi başa çatmaq üzrədir və hələlik müqavilənin uzadılması ilə bağlı razılığa gəlinməyib.
