DÇ-2026: İran azlıqda qalan Belçikanın qapısına yol tapa bilmədi - YENİLƏNİB + VİDEO

22 İyun 2026 01:05
1 094
DÇ-2026: İran azlıqda qalan Belçikanın qapısına yol tapa bilmədi - YENİLƏNİB + VİDEO

DÇ-2026-nın G qrupunun ikinci turunda Belçika və İran milliləri üz-üzə gəliblər.

İdman.Biz xəbər verir ki, qarşılaşmada hesab açılmayıb - 0:0.

Oyunun 25-ci dəqiqəsində Mehdi Taremi İranı önə keçirib. Lakin epizoda VAR-da baxıldıqdan sonra qol ləğv edilib. Belçika millisi isə 67-ci dəqiqədən azlıqda oynayıb. Natan Nqoy qırmızı vərəqə alaraq meydandan qovulub.

Bu nəticədən sonra Belçika və İranın xalları ikiyə çatıb. Qrupun digər iştirakçıları Yeni Zelandiya və Misirin isə hərəyə bir xalı var. Bu komandalar 22 iyunda Bakı vaxtı ilə 05:00-da qarşılaşacaqlar.

Üçüncü turda Belçika Yeni Zelandiya, İran isə Misirlə üz-üzə gələcək. Hər iki oyun 27 iyunda keçiriləcək.

23:28

İran millisinin hücumçusu Mehdi Taremi 25-ci dəqiqədə hesabı açsa da, VAR ofsayd səbəbindən qolu ləğv edir.

22:59

DÇ-2026-nın G qrupunda ikinci turun Belçika - İran oyunu başladı.

İdman.Biz xəbər verir ki, qrupda bütün komandaların bir xalı olduğu üçün bu oyun həm qrup liderliyi, həm də pley-off üçün xüsusi əhəmiyyət daşıyır.

22:19

DÇ-2026-nın G qrupunda ikinci turun Belçika - İran oyunu üçün start heyətləri açıqlanıb.

İdman.Biz xəbər verir ki, qarşılaşma bu gün Los-Anceles stadionunda keçiriləcək. Matçı argentinalı baş hakim Dario Errera idarə edəcək. Görüş Bakı vaxtı ilə saat 23:00-da başlayacaq.

Komandalar meydana aşağıdakı heyətlə çıxacaqlar:

Belçika: Tibo Kurtua, Brendon Mexele, Maksim De Keyper, Toma Menye, Natan Nqoy, Kevin De Bröyne, Yuri Tilemans, Aleksis Salemakers, Nikolas Raskin, Romelu Lukaku, Leandro Trossard.

İran: Əlirza Beyranvənd, Ramin Rezayan, Şüca Xəlilzadə, Əli Nemati, Hüseyn Kənani, Ehsan Hacı Səfi, Saleh Hərdani, Saman Qoddos, Səid Ezzatollahi, Məhəmməd Mohebi, Mehdi Taremi.

İlk turdan sonra G qrupunda bütün komandaların aktivində bir xal var. Belçika Misirlə 1:1, İran isə Yeni Zelandiya ilə 2:2 hesablı heç-heçə edib.

Üçüncü turda Belçika Yeni Zelandiya ilə, İran isə Misirlə qarşılaşacaq. Hər iki oyun 27 iyunda keçiriləcək.

İdman.Biz
Məqalədə: