Qadın voleybolçulardan ibarət Azərbaycan millisi Avropa Liqasında mübarizəni başa vurub.
İdman.Biz bildirir ki, Şimali Makedoniyanın ev sahibliyi ilə keçirilən 3-cü turun son qarşılaşmasında komandamız İsveçrə yığması ilə üz-üzə gəlib.
Strumitsa şəhərində təşkil olunan görüşün qalibi İsveçrə millisi olub.
Millimiz Avropa Liqasında ümumilikdə 6 oyun (Azərbaycan - İsveç 0:3, Azərbaycan - Estoniya 3:0, Azərbaycan - Şimali Makedoniya 3:0, Azərbaycan - İspaniya 1:3, Azərbaycan - İsrail 3:0, Azərbaycan - İsveçrə 0:3) keçirib. Komandamız yarışı 3 qələbə, 9 xalla başa vurub.
Qeyd edək ki, reqlamentə əsasən yarışda iştirak edən 24 komandadan ilk dörd pilləni tutanlar dördlər finalına vəsiqə qazanırlar. Turnirin yarımfinal və final oyunları 27 iyun -12 iyul tarixlərində baş tutacaq.
11:49
Bu gün Azərbaycanın qadın voleybolçulardan ibarət millisi Gümüş Avropa Liqasında növbəti oyununa çıxacaq.
İdman.Biz xəbər verir ki, baş məşqçi Faiq Qarayevin rəhbərlik etdiyi yığma İsveçrə millisi ilə üz-üzə gələcək.
Qarşılaşma Bakı vaxtı ilə saat 20:00-da başlayacaq. Oyuna Şimali Makedoniya ev sahibliyi edəcək.
Qeyd edək ki, voleybolçularımız ötən gün İsrail millisini 3:0 hesabı ilə məğlub ediblər.
