“Qarabağ” və “Zirə” yoxlama oyununda üz-üzə gəliblər.
İdman.Biz-in məlumatına görə, “Azersun Arena”nın məşq meydançasında baş tutan qarşılaşmada Ağdam təmsilçisi rəqibini məğlub edib.
Görüş 4:3 hesabı ilə bitib.
“Qarabağ”ın heyətində Kamilo Duran, Bəhruz Qurbanlı, Leandro Andrade, Mehdi Mütəllimli, Bakı klubunda George Papunaşvili, Yeqor Boqomolski və Namik Ələskərov fərqləniblər.
09:45
2026/2027 mövsümünə hazırlığı davam etdirən “Qarabağ” bu gün ilk yoxlama oyununa çıxacaq.
İdman.Biz xəbər verir ki, iyunun 10-dan Bakıda təlim-məşq toplanışı keçirən Qurban Qurbanovun komandası “Zirə” ilə qarşılaşacaq.
“Azersun Arena”nın məşq meydançasında keçiriləcək görüş saat 18:00-da başlayacaq.
Yoxlama görüşü yalnız media nümayəndələri üçün açıq olacaq.
Qeyd edək ki, “Qarabağ” iyunun 22-də Avstriyaya yollanacaq. Komanda hazırlığın ikinci mərhələsini Tirol əyalətində keçirəcək. Avstriya toplanışı iyulun 2-dək davam edəcək.
Təlim-məşq toplanışı çərçivəsində üç yoxlama oyununun keçirilməsi planlaşdırılır.
