Polşa kişi voleybol millisi Millətlər Liqasının qalibi olub.
İdman.Biz xəbər verir ki, Çinin Ninbo şəhərində keçirilən finalda Polşa yığması ABŞ millisi ilə qarşılaşıb. Gərgin mübarizə Polşa komandasının 3:2 hesablı qələbəsi ilə yekunlaşıb.
ABŞ ilk setdə 21:25 hesabı ilə uduzsa da, növbəti iki hissədə 25:23 və 27:25 hesabları ilə qalib gəlib. Polşa dördüncü setdə 25:23 hesablı qələbə qazanaraq tarazlığı bərpa edib. Həlledici hissədə 15:10 hesabı ilə üstün olan Avropa təmsilçisi çempionluğa yiyələnib.
Polşa Millətlər Liqasında üçüncü dəfə qızıl medal əldə edib. Komanda daha əvvəl 2023 və 2025-ci illərdə də turnirin qalibi olub. ABŞ isə iştirak etdiyi dördüncü finalda da gümüş medalla kifayətlənib.
Polşa millisinin üzvü Tomaş Fornal turnirin ən dəyərli oyunçusu seçilib.
