3 sentyabr 2023-cü il tarixində Mingəçevir şəhərində yerləşən Kür Olimpiya Tədris-İdman Mərkəzində Azərbaycan Triatlon Federasiyası, Gənclər və İdman Nazirliyinin təşkilatçılığı ilə, Baku City Circuit-in dəstəyi ilə Triatlom üzrə Azərbaycan çempionatı keçiriləcək.
İdman.biz xəbər verir ki, yarış müxtəlif yaş qrupları arasında həm olimpiya məsafəsi, həm də supersprint üzrə keçiriləcək. Yarış zamanı iştirakçılar bir kilometr yarım su məsafəsini qət etməli, sonra velosipedlə 40 km məsafəni qət etməli və final hissədə 10 kilometr qaçmalıdırlar.
Qeyd edək ki, triatlon üzrə ölkə çempionatı ilk dəfə ötən il keçirilib və onun qalibi ikiqat Olimpiada iştirakçısı Rostislav Pevtsov olub.
İdman.biz
