III MDB Oyunlarının stolüstü tennis yarışında Azərbaycan millisinin yarımfinaldakı rəqibləri güclü olub.
İdman.biz-in Report-a istinadən məlumatına görə, bunu oğlanlardan ibarət millinin məşqçisi Ramil Cəfərov deyib.
Mütəxəssis nəticənin onlar üçün də maraqlı olacağını söyləyib: “Uzun müddətdir yarışa yaxşı hazırlaşırdıq. İdmançılarımız azarkeşlərimizin qarşısında, evdə daha inamlı çıxış edirdilər. Rəqiblərimiz güclü idi. Amma sabah bizi Rusiya kimi iddialı komanda gözləyir. Bu kollektivlə uzun zamandır üz-üzə gəlmirik. Nəticə bizim üçün də maraqlı olacaq”.
Qeyd edək ki, komanda, şəxsi, qoşa və qarışıq-qoşa növləri üzrə keçirilən stolüstü tennis yarışına sentyabrın 29-da yekun vurulacaq.
