Bakıda Avropa Atıcılıq Konfederasiyasının 29-cu Baş Assambleyası işinə başlayıb.
İdman.biz xəbər verir ki, tədbirdə Beynəlxalq Atıcılıq Federasiyasının prezidenti Luçiano Rossi, Avropa Atıcılıq Konfederasiyasının və 50-ə yaxın Avropa ölkəsinin rəhbərləri iştirak ediblər.
Assambleyada çıxış edən Gənclər və İdman Nazirinin müavini Mariana Vasileva iştirakçıları salamlayaraq, bu tədbirin Bakıda keçirilməsindən məmnunluğunu ifadə edib: "Atıcılıq Azərbaycanda məşhur idman növlərindən biridir. Əminəm ki, bu Assambleyada yalnız müsbət qərarlar verəcək".
Qeyd edək ki, 2 ildən bir keçirilən Assambleyada növbəti illərdə Avropa çempionatına ev sahibliyi edəcək ölkələr üçün səsvermə prosesi, federasiyaların növbəti illərdə inkişaf istiqamətləri üzrə müzakirələr həyata keçiriləcək.
Emin Ağa
İdman.biz
