Azərbaycanın qadınlardan ibarət 3x3 basketbol millisi Avropa çempionatını üçüncü pillədə başa vurub.
İdman.Biz xəbər verir ki, yığmamız üçüncü yer uğrunda görüşdə Sloveniya millisinə 21:18 hesabı ilə qalib gəlib.
Beləliklə, Azərbaycan komandası qitə birinciliyinin bürünc medalına sahib çıxıb və Avropanın üçüncü ən güclü komandası olub.
Qeyd edək ki, millimiz 1/4 finalda Fransanı 20:15 hesabı ilə məğlub edib, yarımfinalda isə İspaniyaya 16:20 hesabı ilə uduzub.
21:03
Azərbaycanın qadınlardan ibarət 3x3 basketbol millisi Belçikanın Antverpen şəhərində keçirilən Avropa çempionatında finala yüksələ bilməyib.
İdman.Biz xəbər verir ki, yığmamız yarımfinal qarşılaşmasında İspaniya millisi ilə üz-üzə gəlib və 16:20 hesabı ilə məğlub olub.
Bu nəticədən sonra Azərbaycan komandası mübarizəni bürünc medal uğrunda davam etdirəcək.
Millimiz üçüncü yer uğrunda görüşdə Sloveniya yığması ilə qarşılaşacaq. Matç Bakı vaxtı ilə saat 22:15-də başlayacaq.
Qeyd edək ki, Azərbaycan yığması 1/4 finalda Fransa komandasını 20:15 hesabı ilə məğlub edərək yarımfinala yüksəlmişdi.
17:39
Azərbaycanın qadınlardan ibarət 3x3 basketbol millisi Belçikanın Antverpen şəhərində keçirilən Avropa çempionatının yarımfinalına yüksəlib.
İdman.Biz xəbər verir ki, milli komanda 1/4 finalda Fransa yığmasına 20:15 hesabı ilə qalib gəlib.
Finala vəsiqə uğrunda Azərbaycan basketbolçuları İspaniya millisi ilə qarşılaşacaqlar.
Yarımfinal görüşü bu gün, 13 sentyabrda keçiriləcək və Bakı vaxtı ilə saat 20:30-da başlayacaq.
09:23
Qadınlardan ibarət 3x3 basketbol üzrə Azərbaycan milli komandası bu gün Avropa Kubokunda növbəti oyununu keçirəcək.
İdman.Biz xəbər verir ki, Belçikanın Antverpen şəhərində təşkil olunan yarışın 1/4 final mərhələsində yığmamız Fransa millisi ilə qarşılaşacaq.
Görüş Bakı vaxtı ilə saat 16:45-də başlayacaq. Qarşılaşmanın qalibi yarımfinala vəsiqə qazanacaq.
Qeyd edək ki, Azərbaycan millisi A qrupunda keçirdiyi ilk oyunda Niderlanda 12:21 hesabı ilə məğlub olub. Komandamız ikinci qarşılaşmada Ukraynaya 20:7 hesabı ilə qalib gələrək 1/4 finala yüksəlib.
Xatırladaq ki, millimiz ötən il keçirilən Avropa Kubokunda gümüş medal qazanıb. Komandamız finalda Niderland seçməsinə 16:21 hesabı ilə məğlub olub.
