Azərbaycan Milli Antidopinq Agentliyi (AMADA) yerli idmançıları ölkədən kənarda da testetmə prosesinə cəlb edir.
Qurumun mətbuat xidmətindən İdman.bizə verillən məlumata görə, 2023-cü ildə AMADA-nın sifarişi əsasında digər ölkələrdə 58 Azərbaycan idmançısından test nümunəsi götürülüb.
Türkiyə və Rusiyada hər birində 17, Avstriyada 12, Bolqarıstanda 8, Yaponiyada isə 4 idmançı antidopinq testindən keçib.
Testetmə AMADA-nın həmin ölkələrin milli antidopinq təşkilatları ilə mövcud əməkdaşlığı çərçivəsində təşkil olunub.
Qeyd edək ki, ötən il AMADA 282 beynəlxalq sifariş əsasında test həyata keçirib.
İdman.biz
