AKF-in regionlarda nümayəndəlikləri olacaq

Xəbərlər
29 Mart 2024 12:41
136
AKF-in regionlarda nümayəndəlikləri olacaq

Azərbaycan Karate Federasiyasının (AKF) İdarə Heyətinin növbəti iclası keçirilib.

İdman.biz xəbər verir ki, qurumun prezidenti Ülvi Quliyevin rəhbərliyi ilə baş tutan toplantının gündəliyindəki əsas məsələlərdən biri məşqçi-müəllimlər üçün imtahan və seminarların təşkili, eləcə də onlara lisenziyaların verilməsi olub.

Bildirilib ki, təkcə ötən ilin dekabrında 3 seminar keçirilib və burada ümumilikdə 92 məşqçi-müəllim iştirak edib.

İclasda həmçinin AKF-in regionlar üzrə nümayəndəliklərin yaradılması və yerlərdə müvafiq şəxslərin nümayəndə qismində təyinatı müzakirə edilib. Bununla bağlı namizədlərin siyahısı yaxın günlərdə AKF rəhbərliyinə təqdim olunacaq.

Toplantı zamanı AKF-də fəxri prezidentlik institutun yaradılması məsələsi də müzakirə olunub və bu istiqamətdə müvafiq qərarlar qəbul edilib.

İclasın sonunda tamamlanma mərhələsində olan AKF-in rəsmi saytı ilə bağlı federasiya rəhbərliyinə hesabat verilib. Saytın yaxın günlərdə tam olaraq istifadəyə verilməsi qərara alınıb.

İdman.biz

Məqalədə: