Region cüdoçuları Qoridə təlim-məşq toplanışında iştirak edir

Xəbərlər
11 Oktyabr 2023 16:00
Region cüdoçuları Qoridə təlim-məşq toplanışında iştirak edir

Oktyabrın 3-dən etibarən müxtəlif regionlardan olan 15 yaşa qədər region cüdoçuları Qori şəhərində keçirilən təlim-məşq toplanışında iştirak edir.

İdman.biz xəbər verir ki, Gürcüstanın region cüdoçuları ilə birlikdə keçirilən hazırlıq prosesinə Azərbaycan 31 cüdoçu ilə qatılıb.

Təlim-məşq toplanışı 13 oktyabra qədər davam edəcək.

Təlim-məşq zamanı cüdoçulara Azərbaycan Cüdo Federasiyasının (ACF) regionlarla iş üzrə məsul şəxsləri Musa İsmayılov və Ruslan Yunusov rəhbərlik edir.

Təlim-məşq toplanışı müvafiq yaş qrupu üzrə region cüdoçularının rəqabət qabiliyyətlərinin artırılması və gələn il baş tutacaq Azərbaycan birinciliyinə hazırlıq məqsədini daşıyır.

İdman.biz