"Vaşinqton"un hokkeyçisi Aleksandr Oveçkin NHL-də əfsanəvi Ueyn Qretskinin rekordunu təzələyib.
İdman.biz xəbər verir ki, o, 57-ci dəfə şaybanı boş qapıdan keçirib.
Qretskidə bu göstərici 56-ya bərabərdir. Rusiyalı hokkeyçi onu keçərək, 1-ci pilləyə yüksəlib. Oveçkin “Boston”la oyunun son saniyələrində qapının boş olmasından istifadə edib - 3:0.
Qeyd edək ki, Oveçkin NHL-də müntəzəm çempionatda 834 qol vurub. O, bu göstəricidə turnir tarixinin ən sərrast hokkeyçisi Qretskidən 60 şayba geri qalır.
İdman.biz