Fransanın məşhur L'Équipe nəşri 2023-cü ilin ən yaxşı idmançılarının siyahısını açıqlayıb.
İdman.biz xəbər verir ki, serbiyalı tennisçi Novak Cokoviç ilin ən yaxşı kişi idmançısı nominasiyasının qalibi olub.
O, “Çempionlar çempionu” mükafatına yiyələnib. Bu, 2021-ci ildən sonra Cokoviçin ikinci qələbəsi olub.
Fransalı üzgüçü Leon Marşal ikinci, niderlandlı “Formula-1” pilotu Maks Ferstappen üçüncü olub.
Ən yaxşı qadın idmançı isə amerikalı gimnast Simona Baylz seçilib.
Qeyd edək ki, L'Équipe nəşrinin “Çempionlar çempion”u mükafatı 1946-cı ildən verilir.
İdman.biz