Bu gün UEFA Millətlər Liqasının 2026/27 mövsümündə ikinci turun növbəti oyunları keçiriləcək.
İdman.Biz xəbər verir ki, gün ərzində A, B və C Liqalarında ümumilikdə səkkiz qarşılaşma baş tutacaq.
Günün əsas oyunlarından biri A Liqasının birinci qrupunda Türkiyə və İtaliya milliləri arasında keçiriləcək. Eyni qrupda Belçika Fransanı qəbul edəcək.
Türkiyə ilk turda Fransaya 0:1 hesabı ilə uduzub. İtaliya isə doğma meydanda Belçikaya 0:2 hesabı ilə məğlub olub. Buna görə hər iki komanda ikinci turda ilk xallarını qazanmağa çalışacaq.
B Liqasında Gürcüstan Ukraynanı, Şimali İrlandiya Macarıstanı, Rumıniya Bosniya və Herseqovinanı, İsveç isə Polşanı qəbul edəcək. C Liqasının ikinci qrupunda Ermənistan Monteneqro, Latviya isə Kiprlə üz-üzə gələcək.
28 sentyabrın oyunları - Bakı vaxtı ilə:
20:00 Gürcüstan - Ukrayna
20:00 Ermənistan - Monteneqro
20:00 Latviya - Kipr
22:45 Belçika - Fransa
22:45 Türkiyə - İtaliya
22:45 Şimali İrlandiya - Macarıstan
22:45 Rumıniya - Bosniya və Herseqovina
22:45 İsveç - Polşa
