“Sabah” basketbol komandası FIBA Çempionlar Liqasının müntəzəm mövsümündə bu gün növbəti oyununa çıxacaq.
İdman.Biz xəbər verir ki, Azərbaycan təmsilçisi Bakıda Türkiyənin “Trabzonspor” kollektivi ilə üz-üzə gələcək.
Milli Gimnastika Arenasında keçiriləcək görüş saat 20:00-da başlayacaq.
Qeyd edək ki, “Sabah” üçüncü turda Fransanın “Nanter 92” klubunu 87:80 hesabı ilə məğlub edib. Azərbaycan çempionu birinci turda səfərdə Litvanın “Rytas” komandasına 73:82, ikinci turda isə “Trabzonspor”a 83:100 hesabı ilə uduzub.
