“Sabah”ın yarımmüdafiəçisi Umarali Raxmonaliyevin formasını geyindiyi Özbəkistan millisi Rusiya ilə yoldaşlıq görüşündə iki topluq üstünlüyü qoruya bilməyib.
İdman.Biz xəbər verir ki, noyabrın 12-də Daşkəndin “Paxtakor” stadionunda keçirilən qarşılaşma qonaqların 3:2 hesablı qələbəsi ilə yekunlaşıb.
Ev sahibləri Viktor Melyoxinin avtoqolu və Kərimovun vurduğu qolla 2:0 hesabı ilə önə keçiblər. Lakin Rusiya yığması ikinci hissədə ardıcıl üç qol vuraraq görüşün gedişini dəyişib. Nikolay Komliçenko dubl edib, Aleksey Mirançuk isə qələbə qolunun müəllifi olub.
Raxmonaliyev qarşılaşmanın 89-cu dəqiqəsində Şerzod Esanovu əvəzləyib. “Sabah”ın futbolçusu meydana çıxarkən bütün qollar artıq vurulmuşdu.
