"Nəticədən narazı qaldım. Amma bizim yaxşı olmaq potensialımız var. Oyunçularımızın çoxu komandaya tam inteqrasiya olmayıblar. Bu cəhətdən axsamalarımız var".
İdman.biz xəbər verir ki, bunu "Neftçi"nin baş məşqçisi Roman Qriqorçuk deyib.
Ukraynalı mütəxəssis Azərbaycan Premyer Liqasının V turunda "Şamaxı" ilə oyunda qeydə alınan heç-heçəni şərh edib: "Bugünkü və əvvəlki oyunları nəzərə alsaq, fərq böyükdür. Çünki bu gün qol epizodları yaratdıq. Onları vurmalıydıq. Çünki cəmi bir qol epizodu yaratmamışdıq. Amma şanslardan yararlana bilmədik. Çətinliyimiz bunda idi. Millinin oyunları ilə bağlı yaranmış fasilə bizim üçün çox vacibdir. Komandamızın daha da yaxşı komplektləşməsi üçün belədir. Obyektiv səbəblərə görə tam olaraq işləyə bilmədiyimiz faktorların üzərində fasilədə çalışacağıq. Bunların üzərində işləmək istəyirik. İstəyirik ki, komandamız daha da sərt şəkildə hücumlar yaratsın. Bu gün bir neçə epizodda bunu görə bildik. Amma daha yaxşısını görmək istəyirik". Qeyd edək ki, "Neftçi" səfərdə"Şamaxı" ilə 0:0 heç-heçə oynayıb.
İdman.biz
