Polşa millisinin hücumçusu Robert Levandovski UEFA Millətlər Liqasının Rumıniya ilə 6:0 hesablı qələbə ilə başa çatan oyununda het-trik edib.
İdman.Biz xəbər verir ki, 38 yaşlı futbolçu 24-cü, 47-ci və 86-cı dəqiqələrdə fərqlənib.
Levandovski üçün bu, son 11 ayda ilk het-trik olub. O, sonuncu dəfə 2025-ci il noyabrın 9-da “Barselona”nın heyətində “Selta”ya qarşı oyunda bir matçda üç qol vurub.
Bununla yanaşı, hücumçu təxminən yeddi ildən sonra ilk dəfə Polşa millisinin heyətində het-trik edib. Levandovski yığmada sonuncu dəfə 2019-cu il oktyabrın 10-da bir oyunda üç qol vurmuşdu.
Qeyd edək ki, Levandovski ötən mövsümün sonunda “Barselona”dan ayrılıb və iyul ayında “Çikaqo Fayr”a keçib. O, Amerika klubunda 15 matçda yeddi qol vurub.
