"Qarabağ"la oyunda qələbə bizim komanda üçün vacib idi və biz yaxşı nəticələr üçün çox şadıq.
İdman.biz xəbər verir ki, bunu “Turan Tovuz”un İdarə Heyətinin sədr müavini Əli Balakişiyev Rusiya mətbuatına açıqlamasında deyib.
O, komandanın baş məşqçisi Kurban Berdıyevin fəaliyyətindən razı olduqlarını bildirib: "Mövsümün startında 4 oyun keçirmişik və bunlardan 3-ü favoritlərə qarşı olub. Kurban Berdıyev və məşqçi heyəti əla iş bacarır, onun təyinatından tam razıyıq. Klubun prezidenti Ehtiram Quliyev də məşqçilərin fəailiyyətindən məmnun qaldığını bildirib. Biz Berdıyevdən bunu gözləyirdik və nəticələr bizim üşün sürpriz deyil. O, komandaya intizam gətirib, taktiki gedişlər meydanda öz bəhrəsini verir. Əsas məqsəd Avropa kuboklarına vəsiqə qazanmaqdır. Bu hədəfə çatacağımıza əminik".
Qeyd edək ki, "Turan Tovuz" 4 oyundan sonra 10 xalla Azərbaycan Premyer Liqasında başçılıq edir.
İdman.biz
