“Çelsi”dən qadağa

Argentina millisinin futbolçusu Entso Fernandes Paris-2024 Yay Olimpiya Oyunlarında iştirak etməyəcək.

İdman.bizin məlumatına görə, 23 yaşlı yarımmüdafiəçi ilə bağlı qərarı şərəfini qoruduğu “Çelsi” verib.

İngiltərə klubu cənubi amerikalının Olimpiadaya getməsinə qadağa qoyub. Onun adı yığmanın ilkin heyətinə daxil edilsə də, London təmsilçisi Fernandesin həmin vaxt klubun düşərgəsində olmasını istəyib.

Qeyd edək ki, DÇ-2022-nin çempionu ötən mövsümün 40 matçında 7 qol vurub.

İdman.biz