I Liqada mükafatçılar müəyyənləşib

Azərbaycan çempionatının I Liqasında 2023/24 mövsümünə yekun vurulub.

İdman.biz xəbər verir ki, mükafatçılar sonuncu turda bəlli olub.

Evdə “Araz Saatlı”nı 3:1 hesabı ilə məğlub edən “Şamaxı” çempion olub. Xallarının sayını 57-yə çatdıran Ramiz Məmmədovun yetirmələri 1-ci yerin sahibi kimi Premyer Liqaya qayıdıblar. Lakin çempion bunun üçün Lisenziyalaşma Komissiyasının qərarını gözləməli olacaq.

“Qaradağ Lökbatan” səfərdə “Mingəçevir”lə heç-heçə etsə də, ikinci pillədə qalıb. Bakılılar çempiondan üç xal geri qalıb.

3-cü yerin taleyinə MOİK – “İmişli” matçında aydınlıq gəlib. 2:1 hesablı qələbə qazanan Bakı klubu 49 xalla bürüncə sahib çıxıb. MOİK-in futbolçusu Elmir Rəhimzadə 16 qolla çempionatın bombardiri olub.

Qeyd edək ki, 10-cu olan “Araz Saatlı” II Liqaya yuvarlanıb, 9-cu yerin sahibi “Difai Ağsu” pley-offda yerini qorumağa çalışacaq.

1	Şamaxı	27	16	9	2	60-22	57
2	Qaradağ Lökbatan	27	15	9	3	46-21	54
3	MOİK	27	14	7	6	53-28	49
4	İmişli	27	13	8	6	38-21	47
5	Karvan	27	13	5	9	40-34	43
6	Zaqatala	27	7	10	10	31-34	31
7	İrəvan	27	8	3	16	32-59	27
8	Mingəçevir	27	7	6	14	20-39	27
9	Difai Ağsu	27	5	8	14	33-43	23
10	Araz Saatlı	27	4	1	22	28-80	13

Bombardirlər: Elmir Rəhimzadə (MOİK) - 16 qol, Elşad Tağıyev ("Şamaxı") - 15 qol, Emin Zamanov ("Şamaxı") - 13 qol, Xəlil Bəşirov ("Qaradağ Lökbatan") - 11 qol, Seyxan Fərəcov ("Qaradağ Lökbatan") - 11 qol, Xəzər Mahmudov ("İmişli") - 9 qol

İdman.biz