“Birinci oyunun nəticəsi həm "Qarabağ"a, həm bizə təsir etdi”.
İdman.biz xəbər verir ki, bunu “Neftçi”nin baş məşqçisi Miodraq Bojoviç Azərbaycan kubokunun yarımfinal mərhələsinin cavab oyununda “Qarabağ”a 1:4 hesablı məğlubiyyətdən sonra təşkil olunan mətbuat konfransında deyib.
O bildirib ki, ikinci hissə daha maraqlı alınıb: “Birinci hissə elə keçmədi. İkinci hissə daha yaxşı idi. Bizim də, "Qarabağ"ın da qol epizodları var idi. Bu gün əvvəlki oyunlarda çıxış etməyən futboçular meydana çıxdı”.
- Ağadadaş Salyanskiyin oyunu barədə nə deyə bilərsiz?
- Biz onu əsas heyətdə oynatmağa cəhd edirik. Bu gün də həm hava toplarında, həm yerdə yaxşı mübarizə apardı. Sevinirəm ki, belə bir yetirməmiz var. Faydalı olacağını düşünürəm.
- Müdafiədə rəqib oyunçular rahatlıqla oynayıb, hücum edirlər. Mövsüm də bitir. Nə zaman bu probleminiz aradan qalxacaq?
- Müdafiə ilə bağlı məsələlər yalnız bura aid deyil. Biz komanda olaraq yaxşı müdafiə olunmuruq. “Zirə” ilə oyun da məni təəccübləndirdi. Çoxluqda olsaq da, uduzduq. Qarşıda 5 oyun var. Həmin matçlarda da yaxşı çıxış etmək üçün əlimizdən gələni edəcəyik.
- Bojoviç “Neftçi”yə gələndə hər kəsə onun komandanı düzəldəcəyini demişdim. İndi onlara nə cavab verməliyəm?
- Çempionatın sonunu gözləməlisiz.
Qeyd edək ki, ilk qarşılaşmada da "Neftçi"yə 4:0 hesabı ilə qalib gələn "Qarabağ" finala yüksəlib.
Banuçiçək Hüseynli
İdman.biz
