Azərbaycan Premyer Liqasının ikinci turunda ən çox azarkeşin izlədiyi qarşılaşma müəyyənləşib.
İdman.Biz xəbər verir ki, turun ən çox tamaşaçı toplayan oyunu Tovuzda keçirilib.
“Turan Tovuz” - “Şamaxı” matçını 4 800 azarkeş izləyib. Görüş qolsuz heç-heçə ilə başa çatıb.
Turun digər oyunlarında qeydə alınan azarkeş sayı belə olub:
“Qəbələ” - “Şəfa” - 600
“Zirə” - “İmişli” - 500
“Neftçi” - “Araz-Naxçıvan” - 1 670
Xatırladaq ki, ilk turda da “Turan Tovuz”un ev oyununa böyük maraq olub. “Turan Tovuz” - “Qəbələ” qarşılaşması turun ən çox azarkeş toplayan matçı olub.
Qeyd edək ki, ikinci tur çərçivəsində keçirilməli olan “Sabah” - “Sumqayıt” və “Qarabağ” - “Kəpəz” oyunları Azərbaycan klublarının avrokuboklardakı iştirakı ilə əlaqədar təxirə salınıb.
