İngiltərə Premyer Liqasında çıxış edən “Liverpul”un yarımmüdafiəçisi Dominik Soboslai klubla yeni müqavilə imzalayıb.
İdman.Biz ESPN-ə istinadən xəbər verir ki, tərəflər arasındakı bütün prosedurlar başa çatıb və müqavilə bu gün imzalanıb.
Yeni razılaşma 2031-ci ilin iyun ayınadək qüvvədə olacaq. Müqavilənin şərtlərinə əsasən, 25 yaşlı yarımmüdafiəçi “Liverpul”un ən yüksək maaş alan futbolçuları sırasına daxil olacaq.
Klubun müqavilənin uzadılması ilə bağlı yaxın vaxtlarda rəsmi açıqlama yayacağı bildirilir. Soboslainin əvvəlki müqaviləsi 2028-ci ilin yayında başa çatmalı idi.
