“Qarabağ” futbol klubu beynəlxalq reytinqdə irəliləyiş edib.
İdman.Biz xəbər verir ki, Beynəlxalq Futbol Tarixi və Statistikaları Federasiyasının (IFFHS) açıqladığı son siyahıya əsasən, “köhlən atlar” 200 xalla 60-cı pilləyə yüksəlib.
Azərbaycanı təmsil edən digər klublardan “Sabah” 96 xalla 224-cü yerdən 211-ci sıraya yüksəlib.
“Zirə” 63 xalla 389-cu mövqedən 418-ci yerə enib, “Araz-Naxçıvan” isə 59 xalla 456-cı pillədən 468-ə geriləyib.
Ümumilikdə 502 klubun yer aldığı reytinqdə Fransanın PSJ komandası 595 xalla lider mövqedə qərarlaşıb.
