Yığmamızın rekordu təkrarlanıb

Xəbərlər
29 May 2024 11:00
118
Yığmamızın rekordu təkrarlanıb

Azərbaycan qılıncoynadanı Anna Başta karyerasında ikinci dəfə Olimpiadada iştirak edəcək.

İdman.biz xəbər verir ki, Paris-2024-ə lisenziya qazanan idmançımız Tokio-2020-də də mübarizə aparıb.

Sablyaçımız bununla da Azərbaycan qılıncoynatma yığmasının rekorduna şərik olub. Annaya qədər yalnız Sabina Mikina (Kərimova) iki Olimpiadaya qatılıb. Muşketyorumuz London-2012 və Rio-2016-da çıxış edib.

Başta və Mikinadan başqa yalnız iki qılıncoynadanımız Olimpiya Oyunlarında mübarizə aparıb. Elxan Məmmədov Atlanta-1996, Yelena Jemayeva Afina-2004-də iştirak edib.

Qeyd edək ki, Azərbaycan ardıcıl dördüncü dəfə Olimpiadada qılıncoynatmada təmsil olunacaq.

Vüqar Xeyrullayev
İdman.biz

Məqalədə: